რატომ არის ეს მნიშვნელოვანი?

ჰიდროელექტროსადგური მაშინ მუშაობს კარგად, როცა სწორად გეგმავ. საქართველოში კი მისი მშენებლობა სულ სხვა გზით მიდის. ელექტროენერგია, რომელსაც ის გამოიმუშავებს, განსაკუთრებულად ძვირი იქნება. [1] სვანეთის ხელშეუხებელი ბუნება განადგურდება და ძირძველი მოსახლეობის საცხოვრებელ გარემოს საფრთხე შეექმნება. ჰიდროელექტროსადგურის მშენებლობისას ალტერნატივები არ განხილულა, ხოლო გეოლოგიური რისკები - უგულვებელყოფილია [2] ეს პროექტი შეიძლება ევროპელი ხალხის ფულით დაფინანსდეს. [3]

ორი ევროპული ბანკი თანახმაა, მილიარდდოლარიანი პროექტის მესამედი სესხით დააფინანსოს [4]. თუმცა, საბოლოო ხელშეკრულებები ჯერ ხელმოწერილი არ არის და ჩვენ ახლა შეგვიძლია ეს პროექტი შევაჩეროთ. თუ ევროპული ბანკები პროექტს დატოვებენ, მათ სხვებიც მიჰყვებიან. ეს იქნება აღიარება, რომ პროექტი მიზანს არ ამართლებს.

ბანკებს შელახული რეპუტაცია აღელვებთ და ხალხის ძალაც ამაშია: პარასკევს ევროპული ბანკები ლუქსემბურგში იკრიბებიან. დიდი, საჯარო შეხვედრა იქნება. [5] პარტნიორებთან ერთად, ჩვენ ამ შეხვედრაზე მივალთ და ჩვენს წუხილს დავაფიქსირებთ. ჩვენი ხმა, მთელი ევროპიდან, გადაწყვეტილების მიმღებ პირებს მისწვდება. მოაწერეთ ხელი ახლა, რომ შევაჩეროთ ნენსკრას ჰიდროელექტროსადგური.

ეს განსაკუთრებული ხეობა საქართველოში, სვანეთშია. როცა სვანეთის გასაოცარ ბუნებას უყურებ და ხედავ, რომ იქ ტყეების და მდინარეების ნაწილი ნენსკრა ჰესისთვის განადგურდება, ადგილობრივი მოსახლეობის სიბრაზეს და უიმედობას ადვილად გაიზიარებ. თუ ნენსკრა ჰესის შესახებ გეგმები შესრულდა, ის მდინარე ნაკრაში წყალს საშუალოდ 10%-ით, ხოლო მდინარე ნენსკრაში 5%-ით შეამცირებს. ამ რისკის შემხედვარე ადგილობრივებმა პროტესტი დაიწყეს. [6]

წყაროები

1. ფინანსურ ნაწილზე: http://greenalt.org/wp-content/uploads/2018/09/Assessment_of_HPP_Cost_2018.pdf, https://bankwatch.org/press_release/in-georgia-leaked-contract-shows-nenskra-hydropower-project-to-cost-country-usd-60-million-a-year
2. EBRD-მა $214-მილიონიან სესხზე თანხმობა გასცა https://www.ebrd.com/work-with-us/projects/psd/nenskra-hpp.html, EIB-მა $150-მილიონიან სესხზე თანხმობა გასცა https://www.eib.org/en/projects/pipelines/all/20150670
3. https://www.aiib.org/en/news-events/events/annual-meeting/overview/index.html
4. https://www.opendemocracy.net/en/odr/hydropower-project-georgia/
5. http://greenalt.org/wp-content/uploads/2018/09/Assessment_of_HPP_Cost_2018.pdf, https://www.imf.org/en/Publications/CR/Issues/2017/09/27/Georgia-Fiscal-Transparency-Evaluation-45274 in combination with the assessment of Green Alternative: http://greenalt.org/leaked-world-bank-report-depicts-georgias-nenskra-hydropower-project-as-major-liability/

პარტნიორები

Photo credit: Cynthia Bil, journalofnomads.com